A piscina municipal do Muíño xa conta cun novo manto de céspede artificial
26_xuo_2014_piscina_municipal_do_muo_1

Abrirá o vindeiro martes e a tempada rematará a mediados de setembro.

A piscina municipal do Muíño abrirá as súas portas o vindeiro martes cun aspecto totalmente renovado. Unhas instalacións renovadas que contan cun novo manto de céspede artificial que cubre toda a extensión do solarium. Máis de 1.500 metros cuadrados nos que os usuarios poderán desfrutar ata mediados do mes de setembro. Ademaid tamén hai que sinalar as labores de limpeza, mantemento e aplicación de pintura en todo o recinto de cara a nova tempada. realizadas iniciará unha nova tempada. Con estas medidas o Concello de Ordes pretende dar servizo na que se considera a instalación de lecer máis importante do municipio para xente de todas as idades durante os meses estivais.

Tal e como indica a normativa tamén se contará cun amplio e efectivo corpo de salvamento, composto por 10 socorristas que velarán pola seguridade dos bañistas ao longo de toda a xornada.

Quen desexe facer un carné para esta tempada pode solicitalo no departamento de Deporte, no primeiro andar do Concello. Será preciso que ademais dos seus datos persoais acheguen tamén unha fotocopia do DNI e unha fotografía tamaño carné. No caso dos adultos o custo para toda a tempada será de 20 euros e para oss menores 12 euros. Tamén se poderá adquirir por mensualidades, en cuxo caso o prezo será de 12 e 6 euros respectivamente, agás no mes de setembro, que se reducirá á metade. Os prezos para adquirir entradas por xornadas soltas será de 1,50 euros para os maiores e de 1 euro para os menores.

 
< Anterior   Seguinte >